Estudo da capacidade de
adsorción de zinc da macroalga Ulva
lactuca
A capacidade das macroalgas de actuar como
axentes bioindicadores é un fenómeno que se ven estudando nas últimas décadas debido aos altos índices de contaminación. No caso
concreto de Ulva lactuca, proposta como obxecto deste estudo, ofrece as
calidades biolóxicas e químicas idóneas para converterse nun bo indicador de
metais pesados. A ampla dispersión xeográfica desta especie nas costas galegas
así como a alta concentración de alxinatos que as especies bentónicas
presentan, fan que esta especie poda ser unha gran candidata a bioindicador. Neste
traballo realizarase un estudo da capacidade de adsorción dun metal pesado (Zn)
pola macroalga Ulva lactuca mediante
un bioensaio.
Análise de series temporais
de variables oceanográficas na contorna do Val de Miñor
O cambio climático é un dos principais retos aos que se enfronta a
humanidade. Na actualidade, existe unha gran rede de boias oceanográficas as
cales poñen a nosa disposición unha gran cantidade de datos acerca das
variables oceanográficas afectadas polo cambio climático. Por conseguinte, o
proxecto basearase na análise de series temporais de distintas variables
oceanográficas na contorna do Val Miñor e polas en relación co quecemento
global. O cambio climático afecta tamén á dinámica da circulación costeira en
Galicia, afectando ao fenómeno de afloramento-afundimento, o cal é a base da
porsperidade e abundancia de biomasa nas Rías Baixas. Por ende, o obxectivo do
traballo é a análise de series de datos de temperatura superficial e profunda
na columna de auga, intensidade de afloramento (obtida a partir de series de
datos temporais acerca da dirección do vento), concentración de clorofila en
superficie e concentración de nutrintes.
Análise da concentración
de hidrocarburos aromáticos policíclicos en mexillón no litoral do Val de
Miñor
Os
hidrocarburos aromáticos policíclicos (HAPs) constitúen uns importantes axentes
contaminantes no medio mariño dada a elevada toxicidade que xeran, e as
diversas e abundantes fontes das que se orixinan. Os HPAs poden bioacumularse
nos tecidos polo que é posible empregar o mexillón (Mytillus
galloprovincialis) como
bioindicador. Analizarase a concentración de HPAs en mostras de mexillón
procedentes de diferentes localidades do litoral do Val de Miñor co obxectivo
de coñecer os niveis de contaminación por HPAs en comparación con outras
localidades xa estudadas.
Estudo das relacións
filoxenéticas do xénero Donax
de Praia América (Nigrán)
A cadelucha (xénero Donax) é un molusco bivalvo amplamente
distribuido nas praias de Galicia. Baixo esta denominación agrúpanse dúas
especies que se comercializan xuntas: Donax trunculus e Donax
vittatus. Trátase dun grupo moi importante dende o punto de vista da
actividade marisqueira polos grandes beneficios económicos que xera. Porén,
debido á sobreexplotación, ó cambio climático e outros factores que a día de
hoxe están sendo obxecto de estudo, a cadelucha experimentou nos últimos anos o
declive das súas poboacións. Esta diminución da poboación pode supor unha perda
da diversidade xenética que podería comprometer o futuro destas especies.
O obxectivo deste proxecto é secuenciar o xene mitocondrial COI, e establecer as
relacións filoxenéticas entre D.
trunculus e D. vittatus que
cohabitan en Praia América (Nigrán) así como comparar a súa diversidade
xenética con poboacións doutras localidades.
Deseño dun prototipo de hidrófono
de baixo custe
A contaminación acústica supón un grave problema
medioambiental nos ecosistemas litorais e pode estar orixinada por
múltiples factores como o tráfico marítimo ou as
actividades portuarias. Esta presión sonora pode causar diversos
efectos sobre os animais acuáticos variando as súas rutas migratorias
ou prexudicando a súa capacidade de orientación. Para poder medir estes niveis
de contaminación acústica é necesario un hidrófono, transductor electroacústico
que converte as vibracións sonoras en enerxía eléctrica. Estes dispositivos
comercialízanse cun elevado custe económico o que dificulta o seu uso extensivo.
O obxectivo deste proxecto é desenvolver un hidrófono con materiais de baixo
custo utilizando software libre.
Estudo da evolución
económica da lonxa de Baiona, 2001-2020
A actividade pesqueira constitúe un sector económico
de relevante importancia para a nosa comunidade autónoma da que depende o
traballo de milleiros de persoas. A explotación dor recursos pesqueiros debe
estar sometida a un estricto control para evitar a sobreexplotación e o esgotamento
dos recursos. Por este motivo, o sector pesqueiro, especialmente de baixura,
debe adaptarse ás fluctuacións naturais das poboacións. A demanda de
determinados productos pesqueiros e a dispoñibilidade dos mesmos determina a
dinámica económica das lonxas. A confraría de Baiona desenvolve a súa
actividade estractiva sobre as especies de baixura que se comercializan na
lonxa de Baiona. O obxectivo deste proxecto é estudar a evolución económica da
lonxa de Baiona dende o 2001 ao 2020, tendo en conta as cinco especies máis
comercializadas.
Estudo dea diversidade xenética dunha pequeña poboación de Z. noltei
en A Guarda (Pontevedra)
As pradeiras marinas
posúen un papel relevante nos ecosistemas litorais. Nas últimas décadas estas
pradeiras marinas sufriron un importante retroceso. O xénero Zostera está
formado por diversas especies vexetais que conforman estas pradeiras nas costas
galegas e cabe destacar a especie Z.
noltei, moi abundante na nosa contorna. O declive destas poboacións de Z. noltei pode supoñer unha perda
significativa na súa diversidade xenética o que pode poñer en risco a súa
supervivencia. O obxectivo deste proxecto é cuantificar a diversidade xenética
de dúas poboacións de Z. noltei (A
Ramallosa e A Guarda) mediante AFLPs.
Comentarios
Publicar un comentario